Shymkentte erekshe joba bastaý aldy. «Zaǵıp jandarǵa sóıleıtin kitap syıla», dep atalynatyn joba alǵash ret qolǵa alynyp otyr eken. Mádenıet basqarmasy muryndyq bolǵan sharada mádenıet maıtalmandary men belgili akterlar men dıktorlar kitapty oqyp úntaspaǵa jazyp alyp taratyp jatyr.

Iaǵnı oqı almaıtyn zaǵıp jandar kitaptyń tolyq nusqasynyń aýdıo jazbalaryn tyńdaıtyn bolady. Aksıaǵa kez-kelgen qala turǵyny óz úlesin qosa alady.

Arnaıy kitaphanaǵa qalamyzydyń teatr akterlary, dıktorlar jáne túrli sala qyzmetkerleri kelip qaıyrymdylyq sharasyna atsalysýda. Shet el jáne jergilikti jazýshylardyń tyń týyndylaryn dybystap, sóıleıtin kitaptardyń qataryn kóbeıtýde. Kitaphana dırektorynyń aıtýynsha aldaǵy ýaqytta da bul saýapty is-shara jalǵasyn taba bermek.

Munda biz óz kúshimizben qazaqstandyq, sheteldik jáne jergilikti jazýshylardyń kitaptaryn dybystaımyz. Bizdiń kitaphana 5931 kitap shyǵardy.

İlkimdi iske kómek qolyn sozýǵa J. Shanın atyndaǵy qazaq drama teatrynyń aktery Erkinbek Shymyrqulov ta kelgen. Mádenıet maıtalmanynyń aıtýynsha bundaı qaıyrymdylyq sharanyń berekesi men saýaby mol. Zaǵıp jandar biz dybystaǵan sóıleıtin kitaptardy tyńdap, ilim alyp, jadyna túıer dúnıe alyp jasa úlken mártebe, - deıdi tetar aktery.

Biz óz daýystarymyzdy tek sahnadan nemese ekrandardan ǵana emes, aýdıokitaptar arqyly da estýge qýanyshtymyz. Biz dıktorlyq jumysymyzdyń kómegimen zaǵıp jandarǵa qoldaý kórsetemiz dep úmittenemiz. Endi mundaı adamdar jańa bilim men shyǵarmalardy oqýdan lázzat ala alady.

Aıta keteıik kitaphana qorynda jalpy 140 myńnan astam oqýlyq bolsa, onyń 45 myńnan astamy sóıleıtin kitaptar. Sonyń 6 myńǵa jýyǵy dál osy arnaıy kitaphanada dybystalǵan.