Shymkent qalasynda ótken táýlikte 147 adam koronavırýs indetimen aýyrǵany belgili boldy. Onyń ishinde klınıkalyq belgileri joq 19 tasymaldaýshy tirkeldi. İndet juqtyrǵan 98 adam ınfeksıalyq stasıonarǵa jatqyzylsa, 51 adam úı baqylaýyna alyndy.

Qazirgi tańǵa mamandandyrylǵan ınfeksıalyq stasıonarlarda barlyǵy 3 780 oryn bar, tósek oryn tolymdyǵy 55%-dy quraıdy, 1670 tósek oryn bos. Infeksıalyq stasıonarda 2110 naýqas emdelýde, jansaqtaý bóliminde 559 tósek oryn bar, 346 naýqas em qabyldaýda.

Júrgizilgen zerthanalyq zertteýler (PTR) – 427 382, táýligine–1039. Bir táýlik ishinde qalada 4674 adam vaksına aldy. Egý naýqany bastalǵaly barlyǵy 413 654 adam vaksınasıalandy. Onyń ishinde 343 920 adam vaksınanyń eki komponentin aldy. Olardyń biri Gúlmıra Adaıqyzy.

Ol koronavırýs ınfeksıasyna qarsy vaksına salý pandemıany jeńýdiń jalǵyz senimdi joly ekendigine kúmáni joq. «Ár azamat óz densaýlyǵy úshin jaýapty»,- deıdi ekpeniń ekinshi komponnetin qabyldaǵan qala turǵyny.

Men vaksınasıa týraly kóp oqyp, aqparat jınadym. Sodan ózimniń jáne jaqyndarmnyń densaýlyǵy úshin men vaksına qabyldaımyn dep sheshtim. Men múldem ókinbeımin. Búgin vaksınanyń ekinshi komponenti salyndy. Ózimdi jaqsy sezinip turmyn. Barlyq turǵyndardy vaksına alýǵa shaqyramyn.

Qala aýmaǵynda sanıtarlyq-epıdemıologıalyq talaptardyń saqtalýyna monıtorıń júrgizetin 40 mobıldik top 23 tamyz kúni 449nysanǵa tekserý jumystaryn júrgizdi. Nátıjesinde 13 nysanda karantın rejıminiń talaptary buzylǵandyǵy anyqtalyp, ákimshilik hattamalar toltyryldy.