AQSH prezıdenti Djo Baıden Talıban basshysymen kezdesý úshin eldiń eń joǵarǵy tyńshysyn jiberdi. "Bul Tálipter Aýǵanstan astanasyn basyp alǵannan bergi eń joǵary deńgeıdegi dıplomatıalyq kezdesý boldy" dep habarlady Vashıngton Post basylymy.

Basylym aty-jónin aıtpaýdy ótingen AQSH sheneýnigine silteme jasaı otyryp, AQSH Ortalyq barlaý basqarmasynyń dırektory Ýılám Berns dúısenbide Kabýlda Talıban lıderi Abdýl Ganı Baradarmen kezdeskenin habarlady. Baıden ákimshiligi Kabýl áýejaıyndaǵy beıbereketsizdik jaǵdaıynda AQSH azamattary men basqa odaqtastaryn evakýasıalaýdy jalǵastyrýda. 

Al, Reıters agnttigi bul habardy birden teksere almaı otyrǵanyn jazady. "AQSH Ortalyq barlaý basqarmasy men Aq úıdiń ókilderi túsinikteme berý suraýyna birden jaýap bermedi" deıdi agenttik.

Reıters 31 tamyzda evakýasıalaý merzimi aıaqtalsa, G7 elderi men Talıban "soǵys jaǵdaıynda" kelissóz júrgizýi yqtımal ekenin aıtady.

Buǵan deıin Talıban qozǵalysynyń ókili evakýasıalaý merzimin uzartýǵa qarsy ekenin jarıalap, onyń "aýyr saldary" bolatynyn aıtqan. Alaıda AQSH prezıdenti Djo Baıden evakýasıa merzimin uzartatyn sheshim shyǵarady dep kútilýde.