Talıban qozǵalysy Aýǵanstandy baqylaýǵa alǵannan keıin Dúnıejúzilik bank bul eldegi jobalardy qarjylandyrýdy toqtatty.

Dúnıejúzilik bank tálipterdiń bılikke kelýi "eldiń damý perspektıvalaryna, ásirese áıelder úshin" qalaı áser etetini týraly alańdaýshylyq bildirdi.

Bul shara Halyqaralyq valúta qory (HVQ) Aýǵanstanǵa tólemderdi toqtatqannan birneshe kún ótken soń jasaldy.

Baıden ákimshiligi Aýǵanstannyń ortalyq bankiniń AQSH-taǵy aktıvterin de buǵattady.

Dúnıejúzilik bank ókili Aýǵanstandaǵy operasıalar boıynsha tólemderdi ýaqytsha toqtatqanyn, jaǵdaıdy ishki saıasat pen prosedýralarǵa sáıkes muqıat qadaǵalap, baǵalap otyrǵanyn jetkizdi.

– Biz halyqaralyq qaýymdastyqpen jáne damý boıynsha seriktestermen tyǵyz keńesýdi jalǵastyramyz. Biz seriktesterimizben birge Aýǵanstan halqyna qoldaý kórsetýdi jalǵastyrý joldaryn qarastyryp jatyrmyz, – dedi ol.