Tálipter budan bylaı eldegi aýǵandyqtardy Kabýl áýejaıyna kirgizbeıtinin aıtty. Bul týraly Bı-bı-sı aqparat agenttigi habarlady.

Kabýlda ótken baspasóz máslıhatynda Talıban ókili Zabıhýlla Mýjahıd aımaqtaǵy tártipsizdikke baılanysty Aýǵanstan azamattaryn áýejaıǵa kirgizbeıtinderin málimdedi. Ol áýejaıdyń aınalasyndaǵy halyqtyń úılerine qaıtýǵa shaqyryp, olardyń qaýipsizdigine kepildik beretinin jetkizdi.

Sondaı-aq ol AQSH úkimetiniń adamdardy áýejaıǵa shaqyrýyn jalǵastyryp jatqanyna qatysty bylaı pikir bildirdi.

– Biz amerıkalyqtardan aýǵandyqtardy elden ketýge shaqyrmaýyn suraımyz. Óıtkeni olardyń ishindegi bilimdi, talanttylary bizge qajet, – dedi Mýjahıd.

Zabıhýlla Mýjahıd eldegi BAQ, aýrýhanalar, mektepter, jergilikti ózin-ózi basqarý organdary men ýnıversıtetter qaıtadan jumys isteı bastaǵanyn da sóz arasyna qosa ketti.

Eldegi elshilikterdiń qaýipsizdigine de kepildik beretinderin aıtqan Talıban ókili basqa elderdi elshilikterin jappaýǵa shaqyrdy.