Baıden 14 tamyzdan beri Kabýl áýejaıynan 70700 adam evakýasıalanǵanyn aıtty. Seısenbide AQSH-tyń "úlken jetilik" boıynsha odaqtastary Baıdennen evakýasıa merzimin uzartýdy suraǵan. Buǵan deıin Baıdenniń ózi de Talıban uıymymen evakýasıalaý merzimin uzartý boıynsha kelissóz júrip jatqanyn jetkizgen. Aq úıdiń baspasóz hatshysy Djen Psakı evakýasıany 31 tamyzdan keıin de jalǵastyrý Talıban uıymy tarapynan qarsylyq bolmaǵan jaǵdaıda ǵana júzege asatynyn málim etken. Biraq Talıban uıymynyń ókili Sýheıl Shahın AQSH pen Ulybrıtanıa belgilengen merzimde áskerin Aýǵanstannan shyǵarmasa, saldary aýyr bolatynyn aıtyp, evakýasıany jalǵastyrýǵa kelispedi.

Seısenbide Kabýlge SRÝ dırektory Ýılám Berns ushyp barǵany, tálipter kóshbasshylarynyń biri Abdýl Ǵanımen kezdesetinini habarlanǵan. Alaıda tálipter Aýǵanstannan ketkisi keletinder shetel áskeri elden shyǵarylǵannan keıin komersıalyq reıster qalpyna keltirilgende kete alatynyn aıtqan. Olar sondaı-aq aýǵandardyń elde qalǵanyn qup kóretinin jetkizgen.

Al Ulybrıtanıa premer-mınıstri Borıs Djonson seısenbide tálipterdi Aýǵanstannan ketkisi keletinderge 31 tamyzǵa deıin de, keıin de kedergi jasamaýǵa shaqyrǵan.

Oqı otyryńyz:

♦ "Únsiz qalmaımyz". Talıban qozǵalysy AQSH pen Ulybrıtanıaǵa eskertý jasady