2021 jyldyń aqpan aıynda aqtóbelik kelinshek "qyzynyń jynystyq múshelerin sýretke túsirdi" dep aıyptalyp, ýaqytsha ustaý ızolátoryna qamalǵan. Kúdiktiniń anasy qyzy esh dálilsiz 6 aı boıy qamaýda otyrǵanyn, ol jaqta túrli qysym kórip otyrǵanyn aıtyp, prezıdent Qasym-Jomart Toqaevqa vıdeoúndeý joldady.
– Qurmetti, qazaq eli! Men Aqmamyq Nurǵalıeva, Aıda Jumamuratovanyń anasymyn. Meniń qyzym zańsyz túrde 6 aı boıy Aqtóbedegi №5 tergeý ızolátorynda jazyqsyz qamaýda otyr. Qyzymnyń burynǵy kúıeýi ony 7 jyl boıy uryp-soǵyp, qysym kórsetip kelgen. Al áleýmettik jelilerde blogerlerdiń kómegimen qyzymdy pedofıl dep aıyptap, nemeremniń jynys músheleriniń sýretterin jelide taratýda. Tergeý kezinde qyzymnyń kinásiz ekeni dáleldengenimen, Aqtóbe qalasynyń prokýratýrasy qyzymdy áli bostandyqqa shyǵarmady. Túrmedegiler meniń qyzymdy uryp, oǵan psıhologıalyq qysym kórsetýde. Qyzymnyń ómiri úshin qorqamyn, – deıdi Jumamuratovanyń anasy.
Ashynǵan ana "ádilettilikke jete almaı qalamyz ba" dep qorqady. Sondyqtan isti basqa oblystyń prokýrorlarynyń qaraýyn suraıdy.
– Qurmetti qazaqstandyqtar, maǵan kómektesýlerińizdi suraımyn. Men Aqtóbe prokýrorlaryna senbeımin. Qazirdiń ózinde olar sotpen kelisip, osy isti sotqa berýdi qarastyryp qoıǵan. Men qyzymnyń isin basqa oblystyń prokýrorlarynyń qaraýyn suraımyn, – deıdi kúdiktiniń anasy.
Posmotret etý pýblıkasıý v Instagram
Pikir qaldyrý