Bilim jáne ǵylym mınıstri Asqat Aımaǵambetov bıylǵy oqý jyly qarsańynda Aqmola oblysyndaǵy bilim berý uıymdaryna barǵanyn habarlady. Bul týraly ol áleýmettik jelidegi paraqshasyndajazdy.

– Pedagogterge eńbekaqy tóleý máselesi mańyzdy. Bıologıa pániniń muǵalimi 430 myń teńgeden astam eńbekaqy alatynyn, sondaı-aq pedagog mártebesin arttyrý jónindegi sharalardyń tıimdiligin baıqap otyrǵanyn tilge tıek etti, – dep jazdy jelide.

Aımaǵambetov Zelenyı bor aýyldyq mektebinde 500-den astam oqýshy bilim alyp jatqanyn aıtyp, pedagog-áriptesterimen áńgimelesken.

– Bıylǵy oqý formaty týraly áńgime barysynda muǵalimder dástúrli oflaın formatyn qoldaıtyndaryn atap ótti. Balalar mektepke oralǵan kezde pedagogter eń aldymen bilim berý dıagnostıkasyn júrgizý, oqý baǵdarlamalaryn beıimdeý jáne bilimdegi olqylyqtardy qalpyna keltirý boıynsha sharalar qabyldaýdy josparlap otyr, – dedi mınıstr.