Jambyl oblyly ákiminiń baspasóz qyzmeti Jambyl oblysy Baızaq aýdany Qaınar aýylyndaǵy No28349 áskerı bóliminiń (ınjenerlik brıgada) oq-dári qoımasynda eki úlken jarylys bolǵany týraly aqparat jarıalady. Qazir jarylys bolǵan aýmaqtaǵy órtti sóndirý jumystary júrip jatyr.

Alaıda jergilikti turǵynda sát saıyn dúmbý daýsyn estip jatqandaryn aıtýda.

Resmı aqparatta Taraz qalasynyń №1 qalalyq aýrýhanasyna túrli jaraqatpen 32 adam túskeni habarlanǵan. Artynsha jelide aýrýhanaǵa túskender sany 60-qa jetkeni týraly aqparat shyqty. Onyń 11-i áskerı adam. Qaza tapqandar týraly aqparat joq.

Jarylys 250 turǵyny bar Qaınar aýyly 1 shaqyrymǵa jetpeıtin qashyqtyqta bolǵan. Qazirgi ýaqytta halyqty evakýasıalaý bastalǵan. Jelidegi vıdeolarǵan qaraǵanda evakýasıalanǵandar Tarazdaǵy mektepterdiń birine ornalastyrylady.

Oqıǵa ornynda oblystyq polısıa departamentiniń 300 adamdyq jeke quramy men 5513  áskerı bóliminiń 520 adamny jumys istep jatyr.

Apat bolǵan jerge baratyn barlyq joldar, sonyń ishinde temirjol ýaqytsha jabylǵan. Jaqyn mańdaǵy Bazarbaı, Úsh-Bulaq, Jańaturmys aýyldarynyń turǵyndary evakýasıalanýda. Qoǵamdyq tártipti qorǵaý jáne tonaýdyń aldyn alý maqsatynda evakýasıalanǵan eldi mekenderdi patrúldeý uıymdastyrylǵan.

"Baızaq aýdanynda jedel shtab quryldy, ony oblys ákimi B.Saparbaev basqarýda. "Almaty-Taraz" joldaryn oblystyq jol polısıasynyń 3 ekıpajy ýaqytsha japty.