Qyrǵyz Respýblıkasynyń prezıdenti Sadyr Japarov qazaqstandyqtar men memleket basshysy Qasym-Jomart Toqaevqa Jambyl oblysyndaǵy áskerı bólimdegi jarylys kezinde qaza bolǵandarǵa baılanysty kóńil aıtty. 

"Adam ólimine ákelip soqqan jarylys týraly habardy estigende qabyrǵam qaıysty. Qyrǵyz Respýblıkasy jáne ózimniń atymnan qaza bolǵandardyń otbasy men jaqyndaryna kóńil aıtamyn. Apat saldarynan zardap shekken jandardyń tezirek saýyǵyp ketýine tilekshimiz. Qaıǵylaryńyzǵa ortaqpyz" dep jazylǵan Qyrǵyz Respýblıkasy prezıdentiniń resmı saıtynda.

26 tamyzda Jambyl oblysynyń áskerı bólimindegi oq-dáriler qoımasynda jarylys bolyp, bes adam qaza tapqan.

Aýrýhanaǵa 90-ǵa jýyq adam tústi, onyń 49-y – tótenshe jaǵdaı departamentiniń qyzmetkerleri. QR Bilim jáne ǵylym mınıstrligi balalardyń quqyqtaryn qorǵaý komıtetine kelip túsken aqparatqa sáıkes "Jambyl oblysynda (Baızaq aýdany) zardap shekkenderdiń arasynda balalar joq" dep málemdedi.