Tuńǵysh prezıdent Nursultan Nazarbaev qorǵanys mınıstri Nurlan Ermekbaevpen telefon arqyly sóılesti. 

Mınıstr Nazarbaevqa óńir halqynyń qaýipsizdigin qamtamasyz etý jáne Jambyl oblysy Baızaq aýdanyndaǵy tótenshe jaǵdaıdyń saldaryn joıý boıynsha qabyldanyp jatqan sharalar týraly aqparat berdi.

Tuńǵysh prezıdent oqıǵa saldarynan qaza bolǵandardyń týystary men jaqyndaryna kóńil aıtyp, zardap shekkenderdiń tezirek saýyǵyp ketýine tilektestik bildirdi.

Keshe Jambyl oblysy Baızaq aýdanyndaǵy áskerı bólimde saǵat 19:00 shamasynda qoımalardyń birinen órt shyǵyp, onyń sońy jarylysqa ulasqan. Apat bolǵan jerge jaqyn Qaınar, Bazarbaı, Úsh-Bulaq, Jańaturmys aýyldarynyń turǵyndary evakýasıalanǵan. Temir jol baılanysy ýaqytsha toqtap, Taraz qalasyna kirý, shyǵý shektelgen.

Osydan 2 jyl buryn Arys qalasynda áskerı qoımada iri jarylys bolyp, 5 adam qaza tapqan. Ol kezde 50 myńnan astam adam turatyn qala tolyq evakýasıalanǵan.

Qorǵanys mınıstri Nurlan Ermekbaev kezinde Arystaǵy jarylysty "tabıǵı apat" dep, mınıstr oryntaǵyn tastap ketpeıtinin ashyq aıtqan. Al bul joly otstavkaǵa aryz jazatynyn, ketýge daıyn ekenin málimdedi.