Jambyl oblysyndaǵy jarylystan aman qalǵan órt sóndirýshilerdiń biri sol kúngi oqıǵany baıandap berdi. Bul týraly jýrnalıs Irına Sovetjanqyzy Instagram paraqshasynda jarıalady.
Baızaq aýdany, 8-órt sóndirý qyzmetiniń qaraýyl bastyǵy Asyl Muhamedjanov birneshe órt sóndirýshini qutqarǵan azamat.
Ol oqıǵa ornyna órt sóndirýshilerden eń birinshi bolyp barǵanyn aıtady. Sol jerdegi júrgen áskerlerden ne órtenip jatqanyn suraǵanynda ol jerde jarylatyn zat joq ekenin mádimdegen.
– Aınalanyń bári qara tútin bolyp jatty. Bara sala barlaý jasaımyz, starshına kim dep surap, jarylatyn zat bar ma dep suraǵanymda "joq" dep jaýap berdi. Alǵashqy daýystar shyǵa bastaǵanda, taǵy suradym. Taǵy da "joq" degen jaýap aldym. Toqtaýsyz sý kelse de, ol órtti óshire almas edik. Jarylǵysh zat bar jerge bizdi jaqyndatpaýy kerek edi, – deıdi órt sóndirýshi.
Posmotret etý pýblıkasıý v Instagram
26 tamyz kúni Jambyl oblysy Baızaq aýdanynda ornalasqan áskerı bólimde saǵat 19.00 shamasynda qoımalardyń biriniń janynda órt shyqqan. Órt saldarynan qoımadaǵy oq-dári jarylyp, saldarynan 15 adam qaza tapqan. Olardyń arasynda órt sóndirýshiler, tótenshe jaǵdaı mınıstrliginiń, áskerı bólimniń, áskerı kúzet pen áskerı prokýratýranyń qyzmetkerleri bar. Áskerı bólimnen jarty shaqyrym jerdegi Qaınar aýylyndaǵy úıler búlingen.
Pikir qaldyrý