Jambyl oblysynda jarylys bolǵan jerden taǵy bir adamnyń denesi tabyldy. Bul týraly TJM baspasóz qyzmeti habarlady.

"Jambyl oblysynda bolǵan jarylystan qaza tapqandar sany 15 adamǵa jetti. Qaza tapqandardyń arasynda azamattyq qorǵaý organdarynyń qyzmetkerleri de bar" delingen departament taratqan habarlamada.

Joǵalǵan taǵy bir adamdy izdestirý jumystary jalǵasýda.

26 tamyz kúni Jambyl oblysy Baızaq aýdanynda ornalasqan áskerı bólimde saǵat 19.00 shamasynda qoımalardyń biriniń janynda órt shyqqan. Órt saldarynan qoımadaǵy oq-dári jarylyp, saldarynan 15 adam qaza tapqan. Olardyń arasynda órt sóndirýshiler, tótenshe jaǵdaı mınıstrliginiń, áskerı bólimniń, áskerı kúzet pen áskerı prokýratýranyń qyzmetkerleri bar. Áskerı bólimnen jarty shaqyrym jerdegi Qaınar aýylyndaǵy úıler búlingen.

Jarylystan qaza tapqandardyń tolyq aty-jóni:

Efreıtor R.S.Janbolatov – 40 jasta

Serjant M.S.Mershimbaı – 40 jasta

Starshına E.E.Nádirbekov – 41 jasta

Azamattyq qyzmetker O.D.Dálibaev – 59 jasta

Ońtústik óńirdiń áskerı prokýrory A.Q.Qapezov – 44 jasta

Serjant-órt sóndirýshi A.S.Temirbolatov – 28 jasta

Polkovnık M.K.Aımanov – 45 jasta

Podpolkovnık A.N.Mıkropýlo – 50 jasta

Serjant, aǵa órt qutqarýshysy E.Q.Sandybaev – 30 jasta

Serjant, aǵa órt qutqarýshysy T.Q.Tórebekov – 40 jasta

Maıor S.J.Álimbekov – 36 jasta

Maıor, qaraýyl basshysy S.V.Zaıkın – 41 jasta

Aǵa serjant, júrgizýshi G.J.Qýatbek – 26 jasta

Kishi serjant, órt qutqarýshysy Á.Q.Ádilbek – 25 jasta

Qatardaǵy órt sóndirýshi Á.B.Keńes – 22 jasta