Áleýmettik jelide azamattyq kıimdegi adam polısıa qyzmetkerine qol jumsaǵany kóringen vıdeo tarap jatyr. Kazakhstan.media paraqshasyndaǵy aqparatqa qaraǵanda azamattyq kıimdegi adam Almaty qalasy Naýryzbaı aýdandyq polısıa basqarmasy bastyǵynyń orynbasary bolyp shyqqqan.
"Aq fýtbolkadaǵy azamat Naýryzbaı aýdandyq polısıa basqarmasy bastyǵynyń orynbasary, polısıa maıory Qanat Erkinuly Jaqypbaev. Ol jekpe-jek sportyndaǵy ónerin paıdalanyp, jas qyzmetkerlerdi júıeli túrde uryp-soǵady. Biraq departament bul jaǵdaıǵa kóz jumyp qarap keledi. Sondaı-aq krımınaldyq polısıa bóliminiń orynbasary Erlik Turymbetov jas qyzmetkerdiń qolyn ustap, ómektesken" delingen aqparattyq habarlamada.
Almaty qalasy polısıa departamenti bastyǵynyń tergeý boıynsha orynbasary Rýstam Abdrahmanov atalǵan derek boıynsha qyzmettik tekserý bastalǵanyn, kináliler anyqtalyp, jaýapqa tartylatynyn habarlaǵan bolatyn.
Artynsha Almaty polısıasynyń bastyǵy Qanat Taımerdenov jedel tártiptik komısıa ótkizilip, nátıjesinde Naýryzbaı aýdandyq polısıa basqarmasy bastyǵynyń orynbasary, polısıa maıory Qanat Jaqypbaev polısıa bóliminiń bedelin túsirgeni jáne "Qazaqstan Respýblıkasy memlekettik qyzmetshileriniń etıkalyq kodeksi" normalaryn buzǵany úshin ishki ister organdarynan shyǵarylǵanyn habarlady.
Sonymen qatar, Taımerdenov bul faktini qylmystyq kodeksiniń 362 baby – bılikti nemese qyzmettik ókilettilikti asyra paıdalaný boıynsha sotqa deıingi tergeýdiń biryńǵaı tizimine tirkegenin aıtty.
Posmotret etý pýblıkasıý v Instagram
