COVID-19 syrqattanýshylyǵynyń jáne vırýstyq pnevmonıa aýrýynyń tirkelýiniń jalǵasýyna baılanysty jáne halyq arasynda koronavırýstyq ınfeksıanyń taralýynyń odan ári aldyn alý maqsatynda, «Ashyq» jobasyna qatysatyn sýbektiler qyzmetin «Kásipkerlik obektilerinde «Ashyq» jobasyna engizý týraly» Qazaqstan Respýblıkasynyń Bas memlekettik sanıtarıalyq dárigeriniń 2021 jylǵy 26 tamyzdaǵy №37 qaýlysyna sáıkes jumystar atqarylýda.

Shymkent qalasynda búgingi kúnge deıin «Ashyq» jobasyna 4603 nysan engen. «Ashyq» jobasy boıynsha «qyzyl» jáne «sary» statýspen anyqtalǵan jeke tulǵalar boıynsha 1468 habarlama kelip tústi. Shymkent qalasy boıynsha anyqtalǵany 1304, sonyń 863-i «qyzyl» jáne 441-i «sary» statýspen anyqtalǵandar. «Qyzyl» jáne «sary» mártebesi bar anyqtalǵan tulǵalarǵa 14 kúndik úı karantınin saqtaý qajettigi týraly habarlama beriledi.

Shymkent qalasynyń sanıtarıalyq-epıdemıologıalyq baqylaý departamentiniń mamandary «sary» mártebesi bar tulǵalarǵa sanıtarıalyq-epıdemıaǵa qarsy is-sharalardy oryndaý týraly 382 qaýly shyǵardy.

Basqa oblystardan kelip anyqtalǵan jeke tulǵalar (164 adam) boıynsha sanıtarıalyq-profılaktıkalyq is-sharalar atqarý úshin QR DSM Sanıtarlyq-epıdemıologıalyq baqylaý Komıtetiniń aýmaqtyq departamentterine sanıtarlyq-profılaktıkalyq is-sharalar ótkizý úshin hattar joldandy.

Úı karantıni rejımin saqtamaǵan 221 «qyzyl» mártebesimen anyqtalǵan jeke tulǵalarǵa 9599630 teńgege aıyppul salyndy.

Úı karantıni rejımin saqtamaıtyn «qyzyl» mártebesi bar jeke tulǵalardy anyqtaý jáne olardy ákimshilik jaýapkershilikke tartý boıynsha jumystar jalǵasýda.