Shymkent qalasynyń gaz tehnıkalyq ınspeksıa bólimi aýdandyq ákimdiktermen birlese turmysta gaz qaýipsizdigin saqtaý boıynsha turǵyndarǵa úgit-nasıhat túsindirme jumystaryn turaqty túrde júrgizip keledi. Atap aıtqanda, qala aýmaǵynda ornalasqan kópqabatty úılerdiń tútindik jáne jeldetkish arnalarynyń ıeleri olardyń jaramdy tehnıkalyq kúıde bolýyn qamtamasyz etý boıynsha jáne úı ishilik gaz jabdyqtaryna tehnıkalyq qyzmet kórsetýge tıisti mamandandyrylǵan uıymdarmen kelisim shart jasasýdyń mindettiligi jóninde eskertildi.

Qala aýmaǵynda ornalasqan 15 kópqabatty úı (jataqhana) ortalyq gaz júıesine qosylmaǵandyqtan tıisti mekemelermen birlesip, qoldanystaǵy zańnamaǵa sáıkes, tıisti qujattar ázirlenýde.

Qazirgi tańda, atalǵan úıdiń páter ıelerine QR «Gaz jáne gazben jabdyqtaý týraly» Zańynyń 28 babynyń 7-tarmaǵyna sáıkes, qabaty eki qabattan asatyn kóp páterli turǵyn úılerde turmystyq balondarda suıytylǵan munaı gazyn saqtaýǵa jáne (nemese) paıdalanýǵa tyıym salynǵandyǵy jóninde túsindirildi.

Qazaqstan Respýblıkasynyń 2014 jylǵy 5 shildedegi «Ákimshilik quqyq buzýshylyq týraly» Kodeksiniń 306 babyna sáıkes, QR «Gaz jáne gazben jabdyqtaý týraly» zańnamasynda belgilengen, turmystyq jáne komýnaldyq-turmystyq tutynýshylardyń gaz tutyný júıelerin jáne gaz jabdyǵyn paıdalaný qaýipsizdigi jónindegi talaptardy buzý – aıyppul salýǵa ákep soǵady.