Bilim jáne ǵylym mınıstri Asqat Aımaǵambetov ustazdar, oqýshylar men stýdentterdi bilim kúnimen quttyqtady.

Mınıstr bıylǵy oqý jyly qatań sanıtarlyq talaptardy saqtaı otyryp, dástúrli formatta bastalatynyn atap ótti. 

– Álemdik pandemıa bilim berý úrdisindegi muǵalimniń baǵa jetpes rólin aıqyndaı tústi. Atap aıtsaq, muǵalimniń kásibıligi, tájirıbesi, balaǵa degen súıispenshiligi men oqýshynyń ómirindegi atqaratyn róli aıqyndaldy. Álbette, muǵalimder gadjet ekrandary arqyly emes, balalarmen tikeleı baılanysta bola otyryp beretin bilimdi zamanaýı tehnologıalarmen salystyrý qıyn, – dedi Aımaǵambetov facebook paraqshasynda. 

Vedomsto basshysy bıyl 394 myńǵa jýyq bala 1-synypqa baratynyn, "Álippe" men "Býkvar" oqýlyqtaryn qolyna alatynyn aıtty.