Prezıdent Qasym-Jomart Toqaev Qazaqstan halqyna arnaǵan joldaýynda búdjet esebinen qarjylandyrylatyn birqatar sala qyzmetkerleriniń jalaqysy ósetinin málimdedi. 

– 2022 jyldan 2025 jylǵa deıin osy sanattaǵy (mádenıet qyzmetkerleri, muraǵatshylar, kitaphanashylar, tehnıkalyq qyzmetkerler, qoryqshylar, kólik júrgizýshiler) azamattyq qyzmetkerlerdiń jalaqysy jyl saıyn ortasha eseppen 20 paıyzǵa ósedi, – dedi prezıdent.

Qasym-Jomart Toqaev kelesi jyldan bastap eń tómengi jalaqyny kóterýdi tapsyrdy.

– Eń tómengi jalaqyny qaıta qaraıtyn ýaqyt keldi dep oılaımyn. Onyń mólsheri 2018 jyldan beri kóterilgen joq. Al álemdik koronadaǵdarys halyqtyń tabysyna kúsh saldy. Budan bólek, mınımaldy jalaqynyń mólsheri jaǵynan Qazaqstan TMD-nyń birqatar elinen qalyp qoıdy, – dedi prezıdent parlament palatalarynyń birlesken otyrysynda.

Ol 2022 jyldyń 1 qańtarynan bastap eń tómengi jalaqyny 42 500 teńgeden 60 000 teńgege deıin kóterýdi tapsyrdy.