Shymkent qalasy ákimdigi Mádenıet, tilderdi damytý jáne arhıvter basqarmasynyń qyzmetkerleri ıgi bastamany qolǵa aldy. Qalalyq densaýlyq saqtaý basqarmasymen birlesip jasalǵan is-shara aıasynda úshinshi megapolıstegi birneshe emhanalar men aýrýhanalarda shaǵyn kitap sóreleri ornalastyrylýda.

Aıta ketý kerek, atalǵan jobaǵa qaladaǵy tórt kitaphana qatysyp, medısınalyq mekemelerde ózderindegi túrli janrdaǵy ádebıetterdi qoıyp jatyr. Máselen, Ál-Farabı atyndaǵy qalalyq ǵylymı-ámbebap kitaphanasy 3-shi emhanadan arnaıy kitap buryshyn ashty.

Mundaǵy basty maqsat-turǵyndardy kitap oqýǵa qyzyqtyrý jáne tartý, kitaphanalardy, olardyń kórsetetin qyzmetterin tanytý bolyp tabylady.
Aıta keteıik bul joba arqyly aldaǵy ýaqytta barlyq densaýlyq nysandaryn qamtý kózdelip otyr.