Úshinshi megapolıste jańadan boı kóterip jatqan bilim ordalary zamanaýı úlgide salynyp jatyr. Mundaǵy mektepter jańasha dızaında jasalyp, qabyrǵalary erekshe boıaýlarmen árlengen. Sońǵy úlgidegi tehnıkalar men erekshe stıldegi jıhazdar da qoıylady.

Oqýshylarǵa sapaly bilim berý maqsatynda jasalyp jatqan joba aıasynda oqý oryndary lıngafondy mýltımedıalyq kabınetter, modıfıkasıalanǵan tehnologıalyq baǵyttaǵy synyptar, STEM-kabınettermen qamtamasyz etilmek. Qaýipsizdikti qadaǵalaý úshin beınekameralar qoıylyp, olar quqyq qorǵaý organdarymen ortalyqtandyrylady. Týrnıketter men dabyl batyrmalary da nazardan tys qalmaıdy.

Aıta keteıik, bul - qurylysqa jaýapty mekemelerge qoıylyp otyrǵan basty talap. Sebebi qaýipsizdik pen jaıly orta sapaly bilimge yqpal etedi.