Aýyl sharýashylyǵy mınıstrligine jańa basshy taǵaıyndaldy

/image/2021/09/01/102555210600.jpg

Qazaqstan Respýblıkasynyń aýyl sharýashylyǵy mınıstri bolyp Erbol Shyraqpaıuly Qarashókeev taǵaıyndaldy.  Bul týraly Aqorda saıty málimdedi. 

"Erbol Shyraqpaıuly Qarashókeev Qazaqstan Respýblıkasynyń aýyl sharýashylyǵy mınıstri laýazymyna taǵaıyndalsyn" delingen habarlamada. 

Erbol Qarashókeev 1976 jyly Almaty oblysynda dúnıege kelgen. Ál-Farabı atyndaǵy qazaq memlekettik ulttyq ýnıversıtetin, qazirgi zamanǵy gýmanıtarlyq ınstıtýtty támamdaǵan. Mamandyǵy boıynsha ekonomıs, bakalavr akademıalyq dárejesimen menedjment salasyndaǵy maman, ekonomıka magıstri atanǵan.

Eńbek jolyn alǵash 1998 jyly QR statısıka agenttigi taldaý jáne konúnktýralyq zertteýler basqarmasynyń bas mamany bolyp bastaǵan. 2021 jylǵy sáýir-shilde aralyǵynda  qarjy vıse-mınıstri, 2021 jylǵy shilde aıynan bastap aýyl sharýashylyǵy vıse-mınıstri – mınıstriniń mindetin atqarýshy bolyp qyzmet etti.

Buǵan deıin vedomstvony basqarǵan Saparhan Omarov 10 shilde kúni ótken úkimettiń keńeıtilgen otyrysynan soń otstavka ketken. Úkimet otyrysynda prezıdent eks-mınıstr qýańshylyq ornap, mal qyrylyp jatqanda qajetti shara jasaı almaǵanyn aıtyp, jumysyn synǵa alǵan.

Pikir qaldyrý

Qatysty Maqalalar