Májilis depýtattarynyń basty maqsaty – joldaýda aıtylǵan barlyq bastamalardy sapaly zańdarmen qamtamasyz etý. Bul týraly búgin májilis tóraǵasy Nurlan Nyǵmatýlın jetinshi shaqyrylymnyń ekinshi sesıasyndaǵy alǵashqy jalpy otyrysta aıtty, dep habarlady mádilistiń baspasóz qyzmeti.

Prezıdenttiń kezekti sesıany ashyp, parlament qabyrǵasynda halyqqa arnaǵan joldaýyn jarıalaǵanyn alǵa tartqan  palata spıkeri:

– Memleket basshysy Qasym-Jomart Kemeluly Toqaevtyń búgingi joldaýy – Qazaqstanymyzdyń turaqtylyǵyn saqtaı otyryp, odan ári damytýǵa arnalǵan strategıalyq qujat. Sebebi joldaýda saıası, áleýmettik, ekonomıkalyq ósip-órkendeýdiń naqty joldary, naqty qadamdary kórsetildi,– dedi.

Nurlan Nyǵmatýlınniń pikirinshe, joldaýda ásirese, agroónerkásip, densaýlyq, bilim, aımaqtar damýy jáne basqa da baǵyttardy nyǵaıtýǵa erekshe kóńil bólinip otyr.

Conymen qatar, májilis tóraǵasy búdjet-qarjy júıesin jaqsartý, eldi saıası jańǵyrtýdy jalǵastyrý sıaqty mindetterge de nazar aýdaryp, osy tapsyrmalardyń barlyǵy parlamenttiń aldaǵy kezeńdegi zań shyǵarý jumysy úshin de aıqyn baǵyt bergenin atap ótip, májilis depýtattaryna, Qazaqstan prezıdentiniń joldaýynda belgilengen eldi júıeli jańǵyrtý úshin myqty zańnamalyq bazany sapaly jáne jedel qurý qajettigine toqtaldy.

Májilis spıkeri depýtattar qaraýyndaǵy zań jobalary týraly aıta kelip, qazir palatada qaralyp jatqan ónerkásiptik saıasat týraly zań jobasyna, el prezıdenti ázirlep, qabyldaýdy tapsyrǵan aglomerasıany damytý, kásibı biliktilik týraly zań jobalaryna da nazar aýdardy.

Nurlan Nyǵmatýlın aldymyzda áleýmettik kodeks jobasymen jumys turǵanyna, osy jáne basqa da zań jobalary boıynsha barlyq jumysty, ádettegideı, ashyq jáne transparentti túrde júrgizetinin, oǵan azamattyq qoǵam, buqaralyq aqparat quraldary ókilderiniń belsendi túrde qatysýymen ótkiziletin atap ótti.