Shymkent qalalyq jaıly ortany damytý basqarmasynyń basshysy Ǵalymjan Ilásov qala ákimine atqarylǵan jumystar boıynsha esep berdi.

Jıynda jasyl aımaqtardy ulǵaıtý, saıabaqtar men gúlzarlardyń qurylysy, ırrıgasıalyq júıelerdiń máseleleri talqylandy.

Basqarma basshysy 2021-2025 jyldary jasyl aımaqtardy ulǵaıtý josparymen tanystyrdy. 2021 jyly jasyl aımaqty 250 gektarǵa deıin ulǵaıtý kózdelgen. 2022 jyly 2250 ga. 2023 jyly 3000, 2024 jyly 3200, 2025 jyly 4300 gektarǵa jetkizý mejelenip otyr.

Basqarma basshysynyń aıtýynsha, memleket muqtajdyǵyna qaıtarý boıynsha qala ákiminiń qaýlylary shyqqan jer teliminiń aýmaǵy – 4175 ga. Onyń ishinde, búginde 1 022 ga jer telimi memleket muqtajdyǵyna qaıtaryldy.

Sondaı-aq, esepti jıynda jasyl aımaqtardy ulǵaıtý maqsatynda egýge usynylatyn aǵashtar tizbesin usynyldy. Atap aıtqanda, qalada jasyl aımaq aýmaǵyna gledıchıe, shaǵan (ıasen), badam, qaraǵash jáne jıde aǵashtaryn otyrǵyzý jospardanýda.