Almaty qalasy Naýryzbaı aýdanynda tórt jolaqty jol ashyldy. Bul týraly Almaty ákimi Baqytjan Saǵyntaev óziniń instagram paraqshasynda habarlady.
"Joldy jaqsartý boıynsha aýqymdy jumys jalǵasýda – jańa jol salyp, bar joldy jóndep, uzartýdamyz. Jaqynda Alataý kóshesiniń Sábdenov kóshesinen Raıymbek dańǵylyna deıingi 2 shaqyrymdyq ýchaskesi ashyldy. Tórt jolaqty jol Naýryzbaı aýdanynyń ákimshilik ortalyǵyn qalanyń iri magıstralimen baılanystyrdy. Abaı dańǵylyn tesý aıaqtalǵan soń qala ortalyǵymen kólik qatynasy edáýir jaqsarady. "Jańa Almatyny" damytýdyń keshendi jospary aıasynda Alataý, Túrksib pen Naýryzbaı aýdandaryna qarasty segiz yqsh.-daǵy 415 kóshede 108 shaqyrym jol salynýda. 153 myńnan astam turǵynnyń mobıldiligi men jaılylyǵy artady. Sondaı-aq bıyl Medeý aýdanyndaǵy Dýman yqsh.-nyń 59 kóshesinde, ıaǵnı 30,5 km joldyń kúrdeli jóndeý jumysy aıaqtalady" delingen ákim jazbasynda.
Pikir qaldyrý