Táýelsizdiktiń 30 jyldyǵy qarsańynda Shuǵyla qory bastap, Darıa Damytý ortalyǵy uıymdastyryp, demeýshilerdiń qoldaýymen júzege asqan "Tulǵa bolam" kitap oqý saıysynyń nátıjesi shyǵarylyp, jeńimpazdary marapattaldy.

Saıysqa qatysýshylar 1-3 synyp, 4-7 synyp, 8-11 synyp oqýshylary jáne eresekter bolyp 4 topqa bólindi. Ár topqa jeke tapsyrma retinde bólek kitap berilgen. Ár toptyń júoldesi de bólek boldy.

Oqylatyn kitaptar retinde qazaq klasıkteri men álem klasıkteriniń týyndylary berildi. Qatysýshylar 3 kezende 3 kitap oqýǵa tıis boldy. Ár kezeńnin sońynda kitap boıynsha onlaın test alyndy.

Uıymdastyrýshylar saıys arqyly jastardy kitap oqýǵa qulshyndyrý, jalpy elde kitap oqý daǵdysyn jandandyrýdy kózdegen.

Saıysqa barlyǵy 50 myń qatysýshy tirkelgen.

Ár kezeń boıynsha ár toptan alǵashqy bolǵan 50 adam 5000 teńgege ıe bolady.

1-3 synyp tobynda  1-3 oryn alǵandarǵa iPad, 4-10 oryn alǵandarǵa velosıped berildi.

4-7 synyp tobynda 1-3 oryn alǵandarǵa MacBook, 4-7 oryn ıelengenderge velosıped tabystaldy. 

8-11 synyp tobynda 1-3 oryn ıelengender Stambýlǵa saıahat jasasa.  4-10 oryn alǵan qatysýshylar Apple Watch aldy.

Eresekter tobynda 1-oryn ıegerine 2 adamǵa shet elge saıahat berilse, 2-orynǵa 500 000 teńge, 3-orynǵa 300 000 teńge qarjylaı syılyq úlestirildi. 4-10 oryn aralyǵyndaǵylarǵa noýtbýk tabys etildi.

Júldegerler tizimi tómendegideı:

1-3 synyp toby: 1-oryn – Tabys Alıhan, 2-oryn – Aslan Madıar, 3-oryn – Shynarbek Nursultan.

4-7 synyp toby: 1-oryn – Qazı Aqnur, 2-oryn – Erlan Káýsar, 3-oryn – Shynarbek Ersultan.

8-11 synyp toby: 1-oryn – Begaly Eldos, 2-oryn – Shynarbek Janar, 3-oryn – Eletaı Rasýl.

Eresek: 1-oryn – Qashýbaı Amangeldi, 2-oryn – Atanbekova Araılym, 3-oryn –  Malıka Keńesova.