Bokstan Qazaqstan quramasynyń jańa bas bapkeri taǵaıyndaldy. Bul týraly QBF baspasóz qyzmeti habarlady.

Qazaqstan boks federasıasynyń málimetine súıensek, erler arasyndaǵy ulttyq quramany endi Qaırat Sátjanov basqarady.

Sátjanovtyń bapkerlik ótili – 31 jyl. 2011 jyldan 2019 jylǵa deıin Qazaqstan jasóspirimder quramasynyń aǵa jattyqtyrýshysy bolyp jumys istegen. Osy ýaqyt ishinde onyń shákirtteri "Azıa balalary" halyqaralyq oıyndarynyń medalin alyp, álem chempıonattary men Azıa chempıonattarynda jeńiske jetken.

Buǵan deıin atalǵan qyzmetti Ǵalymbek Kenjebaev atqarǵan. Ol jastar quramasyn jattyqtyrǵan, sonymen qatar áýesqoılar arasynda Gennadıı Golovkınniń jeke bapkeri retinde tanylǵan. Ol qyzmetinen óz erkimen ketetini týraly áleýmettik jelige jazyp, keıin bapker bul jazbasyn paraqshasynan óshirip tastaǵan.

Al bokstan áıelder quramasyn endi Shámil Safıýllın basqarady. Shámil Safıýllınniń bapkerlik eńbek ótili –25 jyl. Álem chempıonaty júldegerlerin, Azıa chempıondaryn jáne Qazaqstannyń birneshe dúrkin jeńimpazyn daıyndaǵan.

Buǵan deıin atalǵan qyzmetti Erik Alǵabek basqarǵan. Ol óz erkimen laýazymynan ketken bolatyn.