Magıstratýra men doktorantýraǵa tapsyrýǵa qatysty ózgerister engizildi. Bul týraly ǵylym jáne bilim mınıstri Asqat Aımaǵambetov facebook paraqshasynda jarıalady.
Endi magıstratýra men doktorantýraǵa qabyldaý jylyna eki ret ótkiziledi. Magıstratýra men doktorantýraǵa túsý emtıhandary dástúrli túrde tamyz jáne qosymsha jeltoqsan aıynda uıymdastyrylady.
Bul norma 2021 jyly kúshine enedi degen jospar bar. Osy maqsatta ulttyq testileý ortalyǵynyń qyzmetkerleri keshendi testileý men túsý emtıhandaryn qosymsha uıymdastyrady. Qujattardy qabyldaý qarasha aıynda bastalady.
Jazǵy qabyldaý naýqany men ótkizilgen emtıhandardyń qorytyndysy boıynsha magıstratýra men doktorantýraǵa arnalǵan bilim berý granttarynyń artyq qalýyna baılanysty azamattar osy jyldyń jeltoqsan aıynda memlekettik granttardy ıelene alady.
Pikir qaldyrý