Jambyl oblysyndaǵy oq-dáriler qoımasynda bolǵan órtti sóndirý kezinde jaraqat alǵan áskerı qyzmetker Erlan Qyrǵyzálıev qaıtys boldy, dep habarlady qorǵanys mınıstrliginiń baspasóz qyzmeti.

Mınıstrlik taratqan aqparatqa súıensek, 7 qyrkúıekte Taraz qalalyq aýrýhanasynda 26 tamyzda Jambyl oblysyndaǵy oq-dári qoımasynda bolǵan órtti sóndirý kezinde alǵan jaraqaty saldarynan 28349 áskerı bóliminiń áskerı qyzmetshisi, 1983 jyly týǵan kapıtan Erlan Rysqulbekuly Qyrǵyzálıev qaıtys bolǵan.

Ol oq-dári saqtaý bóliminiń bastyǵy laýazymyn atqarǵan bolatyn. Qoımadaǵy órtti joıýǵa kirisken alǵashqylardyń biri.

Jambyl oblysy Baızaq aýdanyndaǵy áskerı bólimniń oq-dári qoımasyndaǵy jarylystan qaıtys bolǵandar sany 16 adam boldy, taǵy bir adam izdestirilip jatyr.

Jarylystan qaza tapqandardyń tolyq aty-jóni:

Efreıtor R.S.Janbolatov – 40 jasta

Serjant M.S.Mershimbaı – 40 jasta

Starshına E.E.Nádirbekov – 41 jasta

Azamattyq qyzmetker O.D.Dálibaev – 59 jasta

Ońtústik óńirdiń áskerı prokýrory A.Q.Qapezov – 44 jasta

Serjant-órt sóndirýshi A.S.Temirbolatov – 28 jasta

Polkovnık M.K.Aımanov – 45 jasta

Podpolkovnık A.N.Mıkropýlo – 50 jasta

Serjant, aǵa órt qutqarýshysy E.Q.Sandybaev – 30 jasta

Serjant, aǵa órt qutqarýshysy T.Q.Tórebekov – 40 jasta

Maıor S.J.Álimbekov – 36 jasta

Maıor, qaraýyl basshysy S.V.Zaıkın – 41 jasta

Aǵa serjant, júrgizýshi G.J.Qýatbek – 26 jasta

Kishi serjant, órt qutqarýshysy Á.Q.Ádilbek – 25 jasta

Qatardaǵy órt sóndirýshi Á.B.Keńes – 22 jasta