Talıban Aýǵanstandy baqylaýǵa alyp, úsh aptadan keıin ýaqytsha úkimetti basqarýǵa Molla Muhammed Hasan Ahýndty taǵaıyndady.
Molla Ahýnd – BUU sanksıalar tizimindegi adam. Ol uzaq ýaqyt boıy Talıbannyń negizgi sheshimderin qabyldaıtyn organ – kóshbasshylyq keńesti basqarady. Ol buǵan deıin 1996-2001 jyldary Talıban bıliginde syrtqy ister mınıstri, keıin premer-mınıstrdiń orynbasary bolǵan.
Seısenbide Kabýlda ótken baspasóz máslıhatynda Talıban ókili Zabıhýlla Mýjahıd tálipterdiń basshysy Molla Ahýndtyń orynbasary Talıban qozǵalysynyń negizin qalaýshy Abdýl Ǵanı Baradar bolatynyn aıtty.
Talıban basshylyǵyndaǵy kóptegen adamdar sıaqty Molda Ahýnd óz bedelin qozǵalystyń tuńǵysh kóshbasshysy Molla Muhammed Omarǵa jaqyndyǵy arqyly jınaǵan.
Ahýnd Talıban qozǵalysy paıda bolǵan Kandagardan shyqqan.
BUU-nyń sanksıalar týraly esebinde ol Omardyń "jaqyn seriktesi jáne saıası keńesshisi" retinde sıpattalǵan.
Pikir qaldyrý