Óz quqyǵyn qorǵaý úshin tálipterge qarsy narazylyqqa shyqqan aýǵan áıelderine qysym kórsetilip jatyr. Bul týraly Daily Beast basylymy habarlady.

Tálipter keıbir áıelderdi narazylyq aksıasyna qatystyrmaý úshin jertólege qamap, olardy taıaqpen uryp, áýege oq atyp qorqytýda. Áleýmettik jelide banktiń jer asty avtoturaǵyna qamalǵan áıelderdiń  vıdeosy jarıalandy.

– Tálipter Kabýl kóshelerindegi narazylyqqa jol bermeý úshin áıeldi Azıa bankiniń jertólesine qamap qoıdy, – dep aıtady vıdeoda.

Sondaı-aq tálipter Aýǵanstan astanasyndaǵy narazylyqtardy taratý úshin áıelderge taıaq pen qarý-jaraq qoldanǵan.

Basylym habarlaýynsha, áıelder bilim alý, jumys isteý quqyǵyn jáne er adamsyz úıden shyǵý múmkindigin saqtap qalǵysy keledi. Olar osy múmkindiktiń bárine sońǵy 20 jylda qol jetkizgen.

– Biz áleýmettik jeliler arqyly adamdardy mıtıńke shaqyrdyq. Olar biz kútkennen de kóp jınaldy. Biz búgin túnde narazylyqqa shyǵatyn basqa da adamdardy kútemiz. Óıtkeni adamdar terrordy, soǵysty qalamaıdy. Tálipter bılik basyna kelgennen beri ólimder men terrorlyq shabýyldar kóbeıip ketti. Narazylyqqa shyǵýymyzǵa olar bizdi ózderi ıtermeledi, – deıdi narazylyqty uıymdastyrýshylardyń biri.