Túnde Óskemenniń eki aýdanynda bes kólik órtenip ketti. Mamandar kólikter ádeıi órtelgen degen tujyrym jasap otyr. Bul týraly «Qamshy» portaly YK-avto.kz saıtyna silteme jasaı otyryp habarlaıdy.
Oqıǵalardyń biri Kosmıcheskaıa kóshesindegi aýlalardyń birinde oryn aldy. Munda «Shkoda Ietı» avtomobıli otqa orandy. Jalyn onyń janyndaǵy «VAZ 2115» kóligine kóshti. Órt sóndirýshiler kelgenge deıin eki kólikke de biraz zaqym kelgen.
«27-sinen 28-ne qaraǵan túni Voroshılov kóshesinde turǵan «Moskvıch 424», «VAZ 21099» jáne «Lada Granta» kólikteri de órtendi» – dedi Óskemen TJB. – Jalyn sharpyǵan aýmaqtyń jalpy kólemi toǵyz sharshy metrdi qurady».
Tergeýshiler kólikterdi qasaqana órtegen dep boljaýda.
