AQSH prezıdenti Djo Baıden amerıkalyq iri kompanıalardyń jumysshylaryn vaksınalaýdy nemese apta saıynǵy testileýden ótýdi talap etetin jańa Kovıd-19 sharalary týraly jarıalady.

Bul sharaǵa federaldy úkimettiń mıllıondaǵan qyzmetkerine vaksınalyq mandat ta kiredi.

Aqparattar boıynsha, vırýstyń Delta nusqasynyń tez taralýyna baılanysty birneshe shtattaǵy aýrýhanalar qabyldaý shegine jetken.

Jańa talaptar 100 mıllıonǵa jýyq jumysshyny qamtıdy.

"Bul erkindik nemese jeke tańdaý týraly emes, bul ózińizdi jáne aınalańyzdaǵy adamdardy qorǵaý týraly" dedi prezıdent óz josparyn jarıalaǵanda.

Ótken jyldan beri 650-myńnan astam amerıkalyq Kovıd-19-dan kóz jumǵan. Qazirge deıin AQSH-ta shamamen 80 mıllıon adam vaksına saldyrmaǵan.