Shymkent qalasyndaǵy №1 klınıkalyq aýrýhanada 2014 jyldan beri transplantasıa jasalyp keledi. Búginge deıin emdeý ortalyǵynyń bilikti dárigerleri 172 búırek jáne 24 baýyr almastyrý otasyn jasaǵan. 2019 jyly A.Donbaı bastaǵan klınıkalyq aýrýhananyń transplantolog dárigerleri baýyr transplantasıasy otasyn 5 saǵat 48 mınýtta jasap, Qazaqstandyq rekordty jańartqan bolatyn.

Táýlik boıy jumys isteıtin aýrýhana 520 tósek orynǵa eseptelgen. Budan basqa, shilde aıynan bastap aýrýhana bazasynda 170 orynǵa arnalǵan ınfeksıalyq stasıonar ashylǵan.

Búginde mundaǵy qabyldaý bólimine kúndelikti 350-den asa naýqas medısınalyq kómekke júginedi eken. Al, kútý zalyndaǵy naýqastyń týystary kamera arqyly qabyldaý bólimindegi naýqastyń jaǵdaıyn baqylaı alady.

Jalpy aýrýhanada hırýrgıalyq, neırohırýrgıa, ýrologıa, otolorıngologıa syndy 22 bólimshe men ınsýlt ortalyǵy, KT, MRT jáne angıogrof kabınetteri bar.

Búgingi tańda aýrýhana qyzmetkerleri 2019 jyldyń II toqsanynda iske qosylǵan «DamuMed» aqparattyq júıesimen jumys isteýde. Kompúterler sany-299, planshetter-10.