Álemdegi oryn alǵan pandemıa dárigerliktiń asa qajetti mamandyq ekenin dáleldeı túskendeı. Koronavırýspen kúres kezinde qaladaǵy barlyq medısınalyq oqý ordalarynyń sońǵy kýrs stýdentteri de jumyldyrylǵan bolatyn. Sondyqtan bilikti kadr daıyndaý árdaıym basty mindet bolyp qala bermek.

Shymkenttegi joǵary medısınalyq kollejdi osy baǵytta jumys jasap jatqan biregeı bilim berý mekemesi. Kolej jańa oqý jylyn dástúrli formatta bastady. Munda orta býyn medısınalyq qyzmetkerleriniń bilimin jetildirý bólimshesi, sımýlásıalyq ortalyqtar bar.

Búginde Joǵary medısına kolejinde 2 myńnan asa stýdent bilim alady. Kadrlardy daıyndaý 8 mamandyq, 9 biliktilik boıynsha júrgiziledi: feldsher, akýsher, jalpy praktıka meıirgeri, meıirger isiniń qoldanbaly bakalavry, gıgıenıst-epıdemıolog, dantıst, medısınalyq laborant, farmasevt jáne tis tehnıgi.

Bıyl medısına kolejin 552 stýdent bitirgen. Oqý ornyn bitirgen jas mamandardyń basym bóligi óz mamandyqtary boıynsha jumysqa ornalasqan.