Shymkent qalasynda múmkindigi shekteýli jandar úıde otyryp-aq, bir myńnan astam memlekettik qyzmetti aldy. «Azamattarǵa arnalǵan úkimet» memlekettik korporasıasy múmkindigi shekteýli jandarǵa memlekettik qyzmetterdi úıde otyryp kórsetedi. Ol úshin 1414 biryńǵaı baılanys ortalyǵyna qońyraý shalyp, suranys qaldyrsańyz bolǵany.

56 saǵat ishinde HQKO qyzmetkeri ótinish berýshimen habarlasyp, klıentke yńǵaıly ýaqytta úıine barady. Osy sanattaǵy adamdarǵa biz óz densaýlyǵymyzǵa qaýip tóndirmeýge jáne HQO-ǵa kelmeı, memlekettik qyzmetti úıden alý múmkindigin paıdalanýǵa keńes beremiz. Olar eń tanymal jáne suranysqa ıe qyzmetterge qol jetkize alady. Atap aıtqanda, jeke kýálikti, sondaı-aq, elektrondyq sıfrlyq qoltańba alý múmkindigi bar, – deıdi «Azamattarǵa arnalǵan úkimet» memlekettik korporasıasy fılıal dırektorynyń orynbasary Aıdos Ashetov.

Memlekettik korporasıa qyzmetkerleri koronavırýs indetin eskere otyryp, qyzmet kórsetý barysynda barlyq qaýipsizdik sharalaryn saqtaıdy. Barlyq maman betperde kıip, antıseptıktermen jabdyqtalǵan.

«Azamattarǵa arnalǵan úkimet» memlekettik korporasıasy múmkindigi shekteýli azamattarǵa memlekettik qyzmet kórsetý baǵytyna kóp nazar aýdarýda. Azamattardyń úılerine baryp, memlekettik qyzmet kórsetýmen qatar, HQO mamandary estý jáne sóıleý qabileti nashar adamdarǵa memlekettik qyzmetterdi kórsetý úshin ym-ıshara tilin meńgergenin atap ótý qajet.

Jyl basynan beri Shymkent qalasy boıynsha fılıalynyń qyzmetkerleri turǵyndardyń úıine baryp, 1 myńnan astam memlekettik qyzmet kórsetti. Memlekettik qyzmetterdi úıde otyryp, İ jáne İİ toptaǵy múgedekter, Uly Otan soǵysynyń qatysýshylary men múgedektigi bar balalar ala alady.