Bilim jáne ǵylym mınıstrligi joǵary oqý oryndary oqytýshylarynyń jalaqysy 2021 jyldyń qyrkúıeginen bastap óskenin habarlady.

Mınıstrliktiń málimetine súıensek, endi ýnıversıtet oqytýshylary aıyna keminde 200 myń teńge alatyn bolady. Aǵa oqytýshy keminde 230 myń teńge, qaýymdastyrylǵan profesor – 260 myń teńge, profesor – 350 myń teńge (ulttyq joǵary oqý oryndarynda – 400 myń teńge) alady.

– Toqaevtyń qoldaýynyń arqasynda mınıstrlik joǵary oqý oryndarynyń shtattyq qyzmetkerlerine mınımaldyq jalaqy belgileý týraly buıryq qabyldady. Bilim jáne ǵylym mınıstrligine baǵynyshty JOO oqytýshylarynyń jalaqysy artty. Sondaı-aq bir stavkanyń maksımaldy kólemi endi bir oqý jylynda 680 saǵattan aspaıdy. Iaǵnı, oqý júktemesi tómendetiledi. Ózgeris profesorlyq-oqytýshylyq quramnyń ǵylymı qyzmetpen aınalysýy úshin múmkindik pen ýaqyttyń kóbirek bolýyn kózdeıdi, – dedi bilim jáne ǵylym vıse-mınıstri Qýanysh Erǵalıev.

Eske sala keteıik, buǵan deıin Ulttyq qoǵamdyq senim keńesiniń otyrysynda prezıdent JOO oqytýshylarynyń jalaqysyn kóterýdi tapsyrǵan bolatyn.

2019 jyldyń qyrkúıeginde JOO profesor-oqytýshylar quramynyń eńbekaqysy 20%-ǵa, 2020 jylǵy qyrkúıekte taǵy da 20%-ǵa ulǵaıtyldy. Jalaqyny edáýir arttyrý barysynda onyń mınımaldyq mólsheri jáne pedagogıkalyq júktemeniń maksımaldy kólemi belgilendi.