Jambyl oblystyq polısıa departamentiniń bastyǵy, polısıa general-maıor Janat Súleımenov Taraz qalasyndaǵy jol apatynan eki adamnyń qaıtys bolǵanyn habarlady.
Oqys oqıǵa 15-shi qyrkúıek bolǵan. Jeńil kólik júrgizýshisi Seıfýllın kóshesinen B.Momyshuly kóshesine qaraı bet alǵanda 4 jaıaý júrginshini qaǵyp ketken. Saldarynan 2 jaıaý júrginshi oqıǵa ornynda qaıtys boldy, 2 adam Taraz qalalyq №1 aýrýhanasyna jatqyzyldy.
Polıseıler Taraz qalasynyń turǵyny bolyp tabylatyn 23 jastaǵy júrgizýshini anyqtap, ustady.
Qazir atalǵan fakt boıynsha Qylmystyq Kodekstiń 345-baby 4-bóligi (abaısyzda eki nemese odan da kóp adamnyń ólimine ákep soqqan is-áreket) boıynsha sotqa deıingi tergeý bastaldy. Qazirgi ýaqytta tergeý amaldary júrgizilýde. Birqatar qajetti saraptamalar taǵaıyndaldy.
Posmotret etý pýblıkasıý v Instagram
Pikir qaldyrý