Qorǵanys mınıstrligi Almaty oblysynda parashútpen sekirý jattyǵýlary kezinde áskerı qyzmetshiniń qaza tapqanyn habarlady.
Qaıǵyly oqıǵa 14 qyrkúıekte parashútpen oqý-jattyǵýdy pysyqtaý kezinde bolǵan. Marqumnyń kim ekeni ázirge belgisiz. Týystarynyń ótinishi boıynsha ózge aqparat jarıa etilmeıdi.
"Parashútpen josparly sekirý oqý-jattyǵýyn oryndaý kezinde Qarýly Kúshterdiń áskerı qyzmetshisi, áskerı sheni "kapıtan", 1990 jyly dúnıege kelgen ofıser qaza tapty" delingen habarlamada.
Buǵan deıin áskerı sarbaz parashútpen 50-ge jýyq sekirý oryndaǵan. Shtattan tys parashútti-desant qutqarýshylar tobynyń quramyna kirgen.
Qazir qaıǵyly jaǵdaıdyń sebep-saldary anyqtalyp jatyr.
Pikir qaldyrý