Sońǵy 20 jylda Aýǵanstanda BAQ salasy belsendi túrde damydy. Talıban bılik basyna kelgennen keıin, BAQ ókilderi qaýipke, tipti ólim qaterine ushyrady. Halyqaralyq belsendiler jedel túrde olarǵa kómek berýge shaqyrady. Bul týraly Germanıanyń DW basylymy habarlady.

Nemis baspasóziniń málimetinshe, halyqaralyq shekarasyz tilshiler uıymy osy sársenbide Berlındegi shtab-páterinde jasyryn baspasóz konferensıasyn ótkizgen. Pandemıaǵa baılanysty oǵan 20 jýrnalıske ǵana qatysýǵa ruqsat etilgen.

Aqparatqa sáıkes, konferensıadan tikeleı beınetaratý uıymdastyrylmaǵan óıtkeni bólmedegi Aýǵanstannan kelgen jýrnalıser óz ómirine nemese Aýǵanstandaǵy dostary men týystarynyń ómirine alańdaýshylyq bildirgen. 

Kabýldaǵy iri gazette jáne Aýǵanstannyń ekinshi iri qalasy Geratta jumys istegen jýrnalıser konferensıaǵa baılanysty Germanıada 10 kún bolǵan. Jýrnalıser radıkaldy ıslamshyl Talıban uıymy bılik basyna kelgeli birneshe áriptesin qorqytyp, jumys isteýine kedergi keltirgenin aıtyp bergen. Olardyń aqparatynsha, kóptegen áriptesteri qazir úıde jasyrynyp jatyr nemese Aýǵanstanmen kórshiles elderge qashyp ketken. "Talıbandar halyqaralyq deńgeıde tanylý úshin tolerantty bolyp kórinedi, biraq jappaı shabýyldardyń sansyz mysaldary bar" deıdi olar DW-ge.