Memleket basshysy Q.K.Toqaev «Halyq birligi jáne júıeli reformalar – el órkendeýiniń berik negizi» atty Qazaqstan halqyna arnaǵan Joldaýynda densaýlyq saqtaý júıesiniń tıimdiligin arttyrýdy aıtty.
Osy baǵytta Shymkent qalasynda 2025 jylǵa deıin 1 myń tósek oryndyq aýrýhana salynady. Sonymen birge 10 medısınalyq mekemeniń qurylysy júrgiziledi. Qala ortalyǵynan shalǵaıda ornalasqan aýmaqtarda 12 dárigerlik ambýlatorıanyń qurylysy bastalady.
Búginde 36 medısınalyq uıymnyń materıaldyq bazasy jańartylǵan. 6 medısınalyq uıymnyń ǵımarattary bıyl kúrdeli jóndeýden ótkizilgen.
Densaýlyq saqtaý júıesiniń tıimdiligin arttyrý maqsatynda jyl saıyn 300 myńnan astam skrınıngtik zertteýler júrgiziledi. Dári-dármekpen qamtamasyz etý qarajaty artady.
Prezıdent otandyq dári-dármek pen qural-jabdyqtyń úlesin búgingi 17 paıyzdan 50 paıyzǵa jetkizý mejesin belgiledi. Qalamyzda farmasevtıkalyq klaster damyǵan. Medısına jabdyqtarynyń óndirisi de jolǵa qoıylǵan. Bul kórsetkishke qol jetkizýge megapolıstiń áleýeti jetedi dep senemiz.
