Qazaqstandyq dıdjeı Imanbek Zeıkenov (Imanbek) belgili GQ "Men of the year 2021" erler jýrnaly jyl saıyn ótkizetin premıada "Jyl jańalyǵy" nomınasıasyn jeńip aldy. Bul týraly GQ Russia jýrnaly habarlady. 

Atalǵan nomınasıada  Imanbekten bólek reseılik akterler Evgenıı Sangadjıev, Vladımır Onohov, Fedor Fedotov, rep-oryndaýshy Soda Luv úmitker bolǵan. 

"Grammy syılyǵy, aýdıo platformalardaǵy mıllıardtaǵan tyńdalym, álemdik mýzykalyq kompanıalarmen kelisimshart. Bıylǵy jyly barlyq jerde shyrqalǵan Roses reperi "SAINt JHN" treginiń remıksin jasaǵan qazaqstandyq jas dıdjeı jáne prodúser Imanbek Zeıkenov úshin bul tek bastamasy ǵana ekenine senimdimiz" delingen habarlamada. 

Imanbek Zeıkenov 2021 jyldyń naýryz aıynda bedeldi Grammy mýzykalyq syılyǵyna ıe bolǵan. Marapattaý rásimi 31 qańtarda ótýi kerek edi. Alaıda koronavırýs pandemıasyna baılanysty is-shara 15 naýryzǵa aýystyryldy. Onlaın ótken 63-shi Grammy rásiminde Imanbek Zeıkenov "úzdik remıks" nomınasıasynyń jeńimpazy atandy.