Bilim jáne ǵylym mınıstri Asqat Aımaǵambetov Reseıdiń Perm ýnıversıtetinde bolǵan atystan qaza tapqandardyń týystary men jaqyndaryna kóńil aıtty. 

– Perm ýnıversıtetinde atys saldarynan qaza tapqandardyń týystary men jaqyndaryna kóńil aıtamyn. Zardap shekkenderdiń tezirek saýyǵyp ketýin tileımin, – dedi mınıstr facebook-tegi paraqshasynda. 

Aımaǵambetovtiń sózinshe, mundaı qaıǵyly oqıǵalar elimizdegi mektep, kolejder men joǵary oqý oryndarynda balalardyń qaýipsizdigin kúsheıtýdiń qanshalyqty mańyzdy jáne qajet ekenin kórsetedi. Balalardy qorǵaý máselesi oqý ornynyń árbir basshysy úshin basym bolýy tıis.

– Prezıdenti Toqaev bilim berý uıymdarynyń qaýipsizdigin qamtamasyz etý boıynsha tapsyrma berdi. Sondaı-aq, bul másele úkimet otyrysynda egjeı-tegjeıli qaralyp, ákimdikter men memlekettik organdarǵa tıisti tapsyrmalar júkteldi.

Joǵary oqý oryndarynyń basshylyǵy oqý korpýstarynda, jataqhanalarda da qaýipsizdikti kúsheıtýde. JBO-da beınekameralardy ornatý, tótenshe jaǵdaılarda arnaıy is-qımyldarǵa oqytý boıynsha sabaqtar ótkizý jumystary júrýde, – dedi mınıstr. 

Búgin Reseıdiń Perm ýnıversıtetiniń aýmaǵynda atys bolyp, saldarynan 8 adam qaıtys bolǵany habarlandy. Qazir qaıtys bolǵandar men jaraqat alǵandar týraly derekter naqtylanyp jatyr.