Búgin saǵat 17:00 shamasynda Almatynyń Alataý aýdanyndaǵy Aqbulaq yqsham aýdanynda jan túrshigerlik atys boldy.

Almaty qalasy polısıa departamenti baspasóz qyzmetiniń aqparatyna súıensek, olar sot úkimin oryndaýǵa kelgen.

Úkimge sáıkes, úı ıesi baspanany bosatýǵa tıis edi. Biraq 1967 jyly týǵan er adam qarsylyq kórsetip, eki polıseı, sot oryndaýshylar men tótenshe jaǵdaı qyzmetkerlerine oq atqan.

Kezekshilikte bolǵan 5 adam, onyń ishinde 2 polısıa qyzmetkeri oqtan jaraqat alyp, oqıǵa ornynda qaıtys boldy.

Qaıtys bolǵan polısıa qyzmetkerleri týraly málimetter:

• Alataý aýdany OMPS ÓP ýchaskelik ınspektory, polısıa maıory Sýleev Darhan Daýylbaevıch, 1982 j.
• Alataý oblysy OMPS ÝE ýchaskelik ınspektory, polısıa kapıtany Baıǵazıev Nurbol Nazarbaevıch, 1988 j.

1967 jyly týylǵan kúdikti ustaldy. Qazir Qylmystyq kodekstiń 99-baby, 2-bóligi (Adam óltirý) boıynsha sotqa deıingi tergeý bastaldy.