“Eki polıseıdiń máıitin kórdim”. Kýágerler Almatydaǵy atystyń qalaı bolǵanyn aıtyp berdi

/image/2021/09/20/crop-54_15_424x566_6f215d78-eeba-44cc-9253-a569ddce03c0.jpeg

Aqbulaq yqshamaýdanynyń turǵyndary búgingi qaıǵyly oqıǵanyń qalaı bolǵanyn aıtyp berdi, dep habarlady tengrinews.kz saıty.

– Men úıde boldym. Alǵashynda shamamen 7-8 ret oq atyldy. Basynda otshashý shyǵar dep oıladyq. Terezeni ashqanymyzda aıqaı-shýdyń daýsy estildi. Eshteńe túsinbedik. Bir ǵana sózin estidim, múmkin, oq atýshy: "Ketińder bul jerden" dedi. Keıin bir qyz "Óltirdi" dep aıqaılady, — dedi Dılnaz esimdi kýáger.

Al 60 jastaǵy Rahmetolla Aımurat atty kýáger bul oqıǵany nemerelerinen bilgen. Ol atystyń daýsynan keıin ne bolǵanyn bilý úshin kóshege shyqqanda úıdi polıseıler qorshap alǵanyn kórgen. Biraq ol kezde qarýly adam áli ustalmaǵan edi.

– Men ne bolǵanyn bilýge shyqqanmyn. Keıin menen úıden shyqpaýymdy eskertti. Kúdikti sol jerde bolǵan. Arnaıy jasaqtar kelip, óz mindetterin oryndady. Ol jerde ne bolǵanyn bilmeımin. Men ony qalaı alyp ketkenderin kórdim. Osy jerden sýretke túsirip aldym. Ony (kúdikti-red) kólikke otyrǵyzyp áketti. Sosyn men ketip qaldym.

Eki polıseıdiń máıitin alyp shyqqanyn kórdim. Polıseıler sýretke túsirýge tyıym saldy, – dep jaýap berdi káýger Rahmetolla Aımurat.

Zýmrat esimdi kórshisi sot oryndaýshylary alǵysy kelgen úıdi burynǵy ıesiniń ata-anasy salǵanyn aıtty.

– Bul úıdi oq atqan adamnyń ata-anasy salǵan. Qurylys 1994 jyly bastalyp, 1997 jyly aıaqtalǵan. Buǵan deıin jer bos turǵan. 1997 jylǵy ulyna berilgen. Bul onyń birinshi áıelinen týǵan uly. Olar bul úıdi salýdy bastaǵanda ákesiniń ekinshi áıeli, ógeı sheshesi qaıtys bolǵan. Ákesi mundaı úlken úıdiń qajeti joq dep sheship, jaıly páterge kóship, úıin ulyna bergen. Balasy oǵan kóligin bergen. Ákesi áldeqashan qaıtys bolǵan. Onyń uly qomaqty nesıe alyp, tóleı almaǵan. Bank úıdi osydan eki jyl buryn alǵan. Keıin qalaı ózderine alǵanyn biz bilmeımiz jáne nemen aınalysqanyn da bilmeımiz, – dedi kýáger.

Búgin saǵat 17:00-de "Aqbulaq" shaǵyn aýdanynda tótenshe oqıǵa boldy. 54 jastaǵy Almaty turǵyny 5 adamdy atyp tastady.

Qaza bolǵandardyń arasynda 1982 jáne 1988 jyly týǵan eki ýchaskelik ınspektor, bir sot oryndaýshysy jáne eki beıbit turǵyn bar, olardyń kim ekeni anyqtalýda.

“Eki polıseıdiń máıitin kórdim”. Kýágerler Almatydaǵy atystyń qalaı bolǵanyn aıtyp berdi

Qatysty tegter :

Pikir qaldyrý

Qatysty Maqalalar