Tártipsizdik pen quqyq buzýshylyqtarǵa «Múldem tózbeýshilik»  qaǵıdatyn qamtamasyz etý  maqsatyndaǵy  Qulandy  selosy  boıynsha  qurylǵan  is-sharalar  josparyna sáıkes  qyrkúıek aıynda  Qulandy selosy, MKQK «Arýjan» balabaqshasynda «Múldem tózbeýshilik» qaǵıdasyna baılanysty dóńgelek ústel uıymdastyryldy. Dóńgelek ústel barysynda  balabaqsha ádiskeri N.Jarylǵasova  «Tártipsizdikke múldem tózbeýshilik» taqyrybynda baıandama oqyp, tyńdarmandarǵa qoǵamdyq oryndarda  azamattardyń minez-qulyq  erejelerin  buzǵany úshin  qoldanylatyn jaýapkershilik týraly túsindirip ótti. Balabaqshanyń pedagog-psıhology G.Amırova mádenıetsizdik pen  usaq  quqyq  buzýshylyqtarǵa «múldem tózbeýshilik» qaǵıdatyn qalyptastyrý maqsatynda «Álemniń jeti keremeti»  atty taqyrypta vıdeorolık kórsetip, tyńdarmandardy  qosymsha maǵlumattandyrdy.

     Sonymen qatar, tamyz  aıynda «Úlgili aýla» baıqaýy ótkizildi. Baıqaýdyń maqsaty – aýyl turǵyndaryn aýla, kóshe jáne jalpy  aýyl  terıtorıasyn  taza ustaýǵa shaqyrý, úı aýlalary men kóshelerdi abattandyrýǵa  yntalandyrý. Baıqaýda aýyl boıynsha M.Óskinbaıuly kóshesi № 32 úıdiń turǵyny  S.Tilegenovtiń aýlasy  erekshe taza ári kóriktendirilgen aýla dep usynylyp, arnaıy maqtaý qaǵazymen marapattaldy. Baıqaýda belsendilik tanytqan basqa da azamattar arnaıy alǵys hattarmen marapattaldy.   Qulandy selosynda tártipsizdik pen quqyq buzýshylyqtarǵa qoǵamda «múldem tózbeýshilik» qaǵıdatyn qalyptastyrý sharalary áli de jalǵasyn taba bermek.

 Qulandy selosy ákiminiń apparaty