Endi bizdiń elden basqa memleketke qońyraý shalǵanda, sheteldikterdiń telefonynda "Qazaqstan" degen jazý shyǵyp turady. Bul týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın málimdedi.

– BUU janyndaǵy Halyqaralyq elektr baılanys odaǵy Qazaqstanǵa jańa +997 def kodyn belgiledi. Endi bizdiń elden basqa memleketke qońyraý shalǵanda, sheteldikterdiń telefonynda "Qazaqstan" degen jazý shyǵady. Sondaı-aq halyqaralyq deńgeıdegi sıfrly servısterdi qoldanǵanda da, barlyq jerde Qazaqstan degen sıgnal shyǵady. Kezinde KSRO taraǵanda, +7 halyqaralyq telefon kody eki elge birdeı bekitilgen bolatyn, – dedi mınıstr.

Baǵdat Mýsın Qazaqstanǵa ǵana tıesili halyqaralyq kodqa qol jetkizý úshin byltyrdan beri telekomýnıkasıa salasyndaǵy kompanıalarmen birge jan-jaqty jumys júrgizilgenin atap ótti. Iaǵnı osy kelissózderdiń nátıjesinde bizdiń elge derbes +997 kody rezervke qoıyldy.