Jambyl oblysynda eki kólik bir-birine soqtyǵysýy saldarynan órt shyǵyp, eki adam qaıtys boldy. Bul týraly KTK arnasy habarlady.
Qaıǵyly jaǵdaı 24 qyrkúıek Jýaly aýdany mańynda bolǵan. "ZIL" men "Audi" kólikteri bir-birine soqtyǵysqan. Saldarynan "Audi" kóliginen syrtqa shyǵa almaǵan júrgizýshi men jolaýshy salonda tirideı janyp ketken.
Tilsiz jaý eki tehnıkanyń da túgin qaldyramady. Tek qańqasy qalǵan. Júk mashınasynyń júrgizýshisi men jolaýshysy túrli dene jaraqatymen aýrýhanaǵa jetkizildi. Qazir jol apatynyń sebebin anyqtaý úshin tergeý júrip jatyr.
Pikir qaldyrý