Jambyldaǵy jaralys kezinde úıleri qıraǵan Qaınar aýylynyń turǵyndary, birneshe kúnnen beri qurylysshylar qajetti materıaldar joq dep, jumysty toqtatyp qoıǵandaryn aıtty. Bul týraly 31 telearnasy habarlady. 

Qaınar aýylynyń turǵyny Janar Súıindikovanyń sózinshe, tek mınıstr men ákimder kelip kóretin úılerde ǵana qurylys jumystary júrip jatyr.

– Instagram jelisinde "Barlyq úıdiń tóbesi jabyldy, adamdar úılerge kirip jatyr" dep aıtylyp jatyr. Anyǵynda, áli kirgen joqpyz.  Álige deıin palatkada shań, borannyń astynda túneımiz. Bala-shaǵamyz jan-jaqta júr, – dedi ol.

Sheneýnikter baspanalardy 17 qazanǵa deıin aıaqtaýǵa ýáde bergen.

Al jarylystan soń izim-ǵaıyp joǵalyp ketken Baýyrjan Dáýitbaevti izdeý jumystary bir aıdan beri jalǵasyp jatyr. Alaıda eshqandaı nátıje joq. 

– Baýyrjan Dáýitbaev jaralanǵandar men qaza tapqandar jáne aman qalǵandardyń da tiziminde joq. Jarylys hronologıasyn jasaý kezinde apat oshaǵynda bolǵany anyqtaldy, – dedi "Taraz" garnızony baspasóz qyzmetiniń jetekshisi Dına Mýharınova.