Qazaqstannyń ishki ister mınıstriniń orynbasary qyzmetine Rýslan Jaqsylyqov taǵaıyndaldy, dep habarlady Aqorda.

"Memleket basshysynyń ókimimen Rýslan Fatıhuly Jaqsylyqov Qazaqstan Respýblıkasy İshki ister mınıstriniń orynbasary – Ulttyq ulannyń Bas qolbasshysy laýazymyna taǵaıyndaldy, ol Qazaqstan Respýblıkasy Ulttyq ulanynyń Bas qolbasshysy laýazymynan bosatyldy" delingen habarlamada. 

Rýslan Jaqsylyqov 1966 jyly 4 naýryzda Almaty oblysynyń Qaskelen qalasynda qyzmetshiler otbasynda dúnıege kelgen.

2006-2007 jyldary-İİM İshki áskerleri qolbasshysynyń orynbasary.

2007-2008 jyldary - Qazaqstan İİM İshki áskerler qolbasshysynyń birinshi orynbasary-İshki áskerler Bas shtabynyń bastyǵy.

2008 jylǵy 4 qyrkúıekten bastap - İİM İshki áskerleriniń qolbasshysy.

2013 jylǵy 22 qańtardan bastap - İİM İshki áskerleriniń Bas qolbasshysy.

2014 jylǵy 24 sáýirden bastap Qazaqstan Respýblıkasy Ulttyq ulanynyń Bas qolbasshysy boldy.