Rýslan Jaqsylyqov ishki ister mınıstriniń orynbasary, Ulttyq ulannyń Bas qolbasshysy bolyp taǵaıyndaldy. Bul týraly Aqorda saıty habarlady. 

"Prezıdenttiń ókimimen Rýslan Fatıhuly Jaqsylyqov ishki ister mınıstriniń orynbasary, Ulttyq ulannyń Bas qolbasshysy qyzmetine taǵaıyndaldy, ol Qazaqstan Respýblıkasy Ulttyq ulanynyń Bas qolbasshysy qyzmetinen bosatyldy" delingen habarlamada.

Rýslan Jaqsylyqov 1966 jyly 4 naýryzda Almaty oblysynyń Qaskelen qalasynda týǵan.

1996 jyly Frýnze atyndaǵy Áskerı akademıany komandalyq-shtabtyq jedel-taktıkalyq áskerı barlaý mamandyǵyn támámdaǵan. 

2004 jyly Reseı Federasıasy QK Bas shtaby Áskerı akademıasynyń Joǵary akademıalyq kýrsyn bitirgen. Mamandyǵy – memlekettiń áskerı qaýipsizdigi.

2003 jyly Shymkent qalalyq máslıhatynyń úshinshi shaqyrylymynyń depýtaty bolyp saılandy.

1987 jyldan 2006 jylǵa deıin Qazaqstan Respýblıkasy İİM vzvod komandırinen İshki áskerler qurama komandırine deıin ártúrli laýazymdarda qyzmet atqardy.

2006-2007 jyldary İİM İshki áskerleri qolbasshysynyń orynbasary, 2007-2008 jyldary Qazaqstan İİM İshki áskerler qolbasshysynyń birinshi orynbasary-İshki áskerler Bas shtabynyń bastyǵy bolǵan.

Áskerı ataǵy – general-leıtenant.